Yfirborðssjórinn og hafísinn renna um Beaufort hringrásina og berast yfirleitt í vestur frá Austur-Íshafi yfir til Fram sunds og þaðan inn í Norður Atlantshaf. Hafísinn er aðeins 5-6 ár á leiðinni frá Chukchi hafi undan Alaska að Fram sundi, enda þótt heildarmyndin gefi ekki til kynna hve ólíkt ísinn hreyfist á mismunandi svæðum. 

Er svalur, lágsaltur yfirborðssjórinn (nálægt 0 gráðum á Celsíus)flæðir gegnum Fram sundið mætir hann og blandast hlýjum (3,5 -6,0 stig á Celsíus) Atlantshafssjó, er flytur með sér hitann úr suðurhöfum, en þaðan fær einmitt Golfstraumurinn orku sína. Það er svo fyrir tilverknað Golfstraumsins að loftslag á Svalbarða, Íslandi og í Vestur Evrópu er hlýrra en á samsvarandi breiddargráðum í Norður Ameríku og Rússlandi. Þegar hlýr, saltur Atlantssjórinn nær inn á heimskautasvæðin, kólnar hann og þéttist og sígur niður á meira dýpi. Þetta gerist hægt og bítandi, en á hverjum vetri sökkva nokkrar milljónir rúmmetra af sjó, blandast sjávarlögum sem dýpra liggja og streyma í suður við botn Atlantshafsins. Þetta er "færiband úthafanna" - hitahringrás sjávar - sem miðlar varma um jarðkringluna.